Arz kiya hai...

Karte hai jo pyaar darte nahi vo duniyawaalo se...
Karte hai jo pyaar darte nahi vo duniyawaalo se...
Chaahe kitni hee dhamkiyaan mil jaaye unko apne gharwaalon se.

Khud hi ho jata hai...

Ishq to khud hee ho jaata hai…
Dil bhi apna kho jaata hai…
Jab aisa ho jaata hai…
To dil bekaraar ho jaata hai.

Kyun hota hain humko pyaar…
Mujhko nahi pata yaar.
Itna zaroor pata hai mujhko…
Ek din ye bhi hoga tumko.

Jab hoga tumko pyaar…
Hawa mein udoge tum bhi yaar…
Khush rahoge hardam tum…
Pyaar karoge pyaar se tum.

Aaj tumne jisko dekha hai…
Shayad who hee tumhara apna hai…
Abhi chalega pata nahi…
Intezaar mein rahna har ghadi.

Pata nahi kyun...

Humein hota hai pyaar…
Aur ye dil bekaraar…
Magar aisa kyun hota…
Pata nahi mere yaar.
Jab milte nahi…
Baat karte nahi…
To kyun aisa lagta hai…
Maksad pura hua nahi.
Kuch karte nahi hum…
Bas sapne dekhte hain hum…
Kyun aisa hota hai…
Bata mere sanam.
Yaad aati hai bahut…
Jaan jaati hai bahut…
Magar mil nahi hum paate…
Yeh achcha nahi bahut.
Humein hota hai pyaar…
Aur ye dil bekaraar…
Magar aisa kyun hota…
Pata nahi mere yaar.

Yaadein...Baatein...

nagmein hain, shikve hain, kisse hain, baatein hain.
baatein bhool jaati hai, yaadein yaad aati hain.
ye yaadein mere yahan aane ke baad,
kuch zyada hee aati hai.
mein bhool gayi thi inko,
samajh ke roz ki baatein.
par ye aa gayi mere peeche-peeche,
banke humari yaadein.
mujhko ye maloon na tha,
baatein hee ban jaati hai yaadein.
par kissi ko kya pata,
kya hoga chalke aage.
mujhko bhi pata na tha,
ki ek aisa din aayega,
jab mujhko tum sabse,
dur jana padega.
aata hai ye din,
zindagi mein sabki,
par kya tumko nahi lagta,
meri mein aa gaya ye thoda jaldi.
ab mere liye wahi hain yaadein,
jo shayad tumhare liye keval hain baatein.
tumhare liye woh banengi yaadein,
jo shayad hum kabhi na janein.

Mohabbat

hum tumse mohabbat karna nahi chahte the, par tumne kar li,
hum tumhara dil todna nahi chahte the, isliye humne kar li.
humne rakha tumhare dil ka khayal, tum bhi rakhna khayal humare dil ka,
humne kar liya hai tumse pyaar, tum bhi humse pyaar karna.

Dil se nikla dard...

Dil se nikla dard…
Yeh zindagi nahi, ajeeb si saza hai yeh.
Jahan na jee sakti, na mar sakti hoon main.
Is zindagi ne kya diya mujhe?
Jab samay aaya, tab dukh diya mujhe.
Aur kuch nahi chahti is zindagi se,
Bas sukh chakti hoon is zindagi se.
Door le ja tu yeh gham,
Kahi door le ja tu ye gham.
Khushiya phela de yahan,
Bahar la de tu yahan.
Isko shayiri, ya kavita na samajhna,
Yeh hai mere dil se nikli, isko meri arzoo samajhna.