ishq cheez hi aisi hai

ishq cheez hi aisi hai, daaman chhudaya nahi jata
doob gaye hain pyar mein itna, kuch chhupaya nahi jata
izhaar to karna chahte hain, par mohabbat jatayi nahi jaati
doori itni hai beech humare ki chahat dikhayi nahi jaati

zindagi ka safar hi kuch aisa hai

zyada kuch nahi hota, bas yaad hi satati hai
kisi ke kho jaane par, aankh bhi bhar aati hai
waqt ka sahara ho to saare zakhm bhar jaate hain
dheere-dheere bichade apne, thode hi yaad aate hain
jeena mushkil ho jinke bina, vo bhulaye bhi ja sakte hain
ye to samay samay ka khel hai, tut-te to kai saare sapne hain
chalte chalte koi bichhade to kuch ashru baha hi diya karte hain
zindagi ka safar hi kuch aisa hai, log akar chale jaya karte hain

apke dil mein...

kehna chahte the, par keh na paaye kabhi
apke dil mein hum, reh na paaye kabhi!

ek vinti

bin bulaye hi aa jate ho
jitna bhulana chaahe, utna hi yaad aa jate ho
kabhi hum apne raste ja rahe ho, to samne se aa jate ho
sir jhuka kar kaam kare, to darwaze se aa jate ho
raste hain apne alag alag, phir bhi tum yaad aa jate ho
ek duje ke hum koi nahi, phir bhi paas aa jate ho

ab to bas yahi ek vinti hai ki bhulane ki shakti de bhagwan
ab to bas yahi ek vinti hai phir na kabhi dikhe vo insaan

thak gaye hum

arsa ho gaya, kisi ka pyaar mehsus kiye
varsh beet gaye kisi se pyar kiye
tanhaii mein... pani mein...
thak gaye hum, intezaar mein vishram kiye

dil ki baat nahi hoti

sirf dekhke kisi ko dil ki baat nahi hoti
mulakat ho phir bhi, kabhi barsaat nahi hoti
janti hoon, main kabhi tumhari na ban paungi
phir bhi is dil mein kabhi raat nahi hoti

dukh bhare geet hum phirse gaane lage

dukh bhare geet hum phirse gaane lage
sunne walo ko kuch to sunane lage
bola tha jisne "tum rona na kabhi"
unhi ke khone par aansu bahane lage

shayad

nahi hoti judaii, to dil ko dard bhi na hota
nahi hoti tanhaii, to koi gham bhi na hota
milte milte tum yun khote na agar
jo shayad in aankho mein ye jal* bhi na hota

* Jal = water = pani = ansu = tear

vada kyun kiya?

ateet apne aap ko kyun dohrata hai
milkar koi phir kyun kho jata hai
zindagi bhar saath rehne ka vada kyun kiya
jab tumhe sirf bichhadna hi aata hai

I don't want to be miles apart..!!

Why did so many things take place
when nothing was going to happen.
Why did u seem so close to me
when actually you were miles apart.
I did not believe in love at first sight,
but after seeing you, it happened.
I saw you almost everywhere after that, it
seemed like somebody was making all this happen.
I said, "I will not fall in love"
but it happened, and didn't even
ask me for the permission.
I thought something beautiful was
going to happen between you and me,
but it was just my stupid imagination.
I would love to love you, and care for you
and keep you in my eyes and in my thoughts.
I would love to be yours, today...tomorrow
and forever. I don't want to be miles apart!

Intezaar hai tanhaii ka...

kuch pal hi baaki hain, intezaar hai tanhaii ka
kuch pal ki muskan hai, intezaar hai judaii ka
jaate-jaate mudkar dekhe, bas itni farmaish hai
ho sake to yaad rakhle, yahi dil ki khwahish hai

zindagi ban gaya hai

ajnabi nahi raha, ab to vo zindagi ban gaya hai
lehrata hua aaya, tan ki khushbu mein bas gaya hai
kuch is tarah se baat karta hai, ki main phooli nahi samati
karvat par karvat badalti hoon, raat ko so bhi nahi paati

kabhi kabhi

jahan pyaar hai, vahan judai bhi hai
humein aas hai, par vo parayi bhi hai
yun to kar li mohabbat, bina kuch soche humne
par haan.. kabhi kabhi akhiya ladayi bhi hain! ;)

kuch aur dino ki baat hai...

kuch aur dino ki baat hai, bas kuch pal ka hi saath hai
zara jee bhar kar dekh loon unhe, phir to zindagi raakh hai
phir hum phoot-phoot kar royenge, ab bhi yuhi rote hain
pehle sukoon ki neend aati thi, ab paani mein sote hain

Ishq Kiya Tha Kabhi..!!

jab kabhi galti se, kisi se pyaar ho jata hai
hasne ke saath saath... dil ro bhi pata hai
ansuo pe ansu.. muskan ke saath bhi aansu...
kisi aur ko phir kabhi koi kaise banaye janu

jitna ud sakte the, utna to ud liye
khushi ke saath saath, gham bhi khud piye
usko nahi kubool, to naa sahi
hum to zaroor kahenge.. "ishq kiya tha kabhi!"

koi ek

Itna guroor bhi na karo, ki koi akar chala jaye
Tumhare bartaw ke karan, apna gala dabaye
Yun to lakho dikhte hain, hazaro karte hain pasand
Par koi ek hi aisa hota hai, jo bhar jata hai rang

dil se keh nahi paate

kis kis ko nahi bataya... koi bhi nahi samajh paya hai
jisne humse dil lagaya... kyun humne use thukraya hai
gale to hum bhi laga lete... apne us deewane ko
par kabhi dil se keh nahi paate "janam tum humare ho"

diwani ki kahani

har ajnabi chehre mein uski jhalak dikhayi deti hai
chalti hai deewani jab, to nazar jhukaye rehti hai
dikh jaata hai vo kahin to dhadkan kyun ruk jaati hai
chalte chalte jaise koi dor si khich jaati hai

paani ki lehron mein bhi jannat dikhayi deti hai
chalti hai deewani jab to nazar jhukaye rehti hai
aankhen gar mil jaayen to din poora ho jaata hai
nazarein phir jhuk jaati hain, pagal mann kho jaata hai

barkha ki pehli boonde jab dharti par pad jaati hain
is pagli deewani ko phir yaad usi ki aati hai
nazrein phir jhuk jaati hain, pagal mann kho jaata hai
muskurahat ka lamha phir se wapas aata hai

aasman jhilmilata hai, raat jab bhi aati hai
ye pagli taaro se uska chehra banati hai
raat bhi dhal jaati hai, suraj chadh aata hai
is tarah deewani ka poora din kat jaata hai

aur kuch ho na ho

tum jab mujhse pyari pyari batein karte ho
aankhon mein dekh kar jab aahein bharte ho
halka sa muskurate ho, baalo ko sehlate ho
paas aakar jab bhi mere hotho ko chukar jaate ho

meri saanse mahak jaati hai
hawa mein masti chaati hai
aur kuch ho na ho
meri dhadkan gana gaati hai

jab bhi apne hathon se tum mere haath chu jaate ho
jaanpooch kar apna kandha jab mere se takrate ho
jab bhi meri aankho se ye reshmi baal hataate ho
phir tum apni baahon mein jab mujhko lehrate ho

mera chehra khil jaata hai
masti ka sama chhata hai
aur kuch ho na ho
mera dil gungunata hai

tujhko main bhoolungi kaise?

main kitni bhi koshish karoon, koi madad nahi karta
tujhko main bhoolungi kaise? rab bhi yahi hai kehta
kabhi-kabhi lagta hai jaise, maksad ho gaya ho poora
phir kuch dikh jaata hai aisa, bhavishya lagta hai adhoora

kal ki hi baat le lijiye, hum sabkuch bhula kar baithe the
bahut achhi tabiyat thi apni, mat poochiye hum kaise the
jaane kahan se udte-udte ek chitthi aa gayi saamne
kisi zamane mein likhi thi vo humne naam aapke!

achi khaasi aankhon mein bekaar hi paani aa gaya
khilkhilata chehra mera ekdam se murjha gaya
main kitni bhi koshish karoon, koi madad nahi karta
tujhko main bhoolungi kaise? rab bhi yahi hai kehta