zindagi ban gaya hai

ajnabi nahi raha, ab to vo zindagi ban gaya hai
lehrata hua aaya, tan ki khushbu mein bas gaya hai
kuch is tarah se baat karta hai, ki main phooli nahi samati
karvat par karvat badalti hoon, raat ko so bhi nahi paati

kabhi kabhi

jahan pyaar hai, vahan judai bhi hai
humein aas hai, par vo parayi bhi hai
yun to kar li mohabbat, bina kuch soche humne
par haan.. kabhi kabhi akhiya ladayi bhi hain! ;)

kuch aur dino ki baat hai...

kuch aur dino ki baat hai, bas kuch pal ka hi saath hai
zara jee bhar kar dekh loon unhe, phir to zindagi raakh hai
phir hum phoot-phoot kar royenge, ab bhi yuhi rote hain
pehle sukoon ki neend aati thi, ab paani mein sote hain

Ishq Kiya Tha Kabhi..!!

jab kabhi galti se, kisi se pyaar ho jata hai
hasne ke saath saath... dil ro bhi pata hai
ansuo pe ansu.. muskan ke saath bhi aansu...
kisi aur ko phir kabhi koi kaise banaye janu

jitna ud sakte the, utna to ud liye
khushi ke saath saath, gham bhi khud piye
usko nahi kubool, to naa sahi
hum to zaroor kahenge.. "ishq kiya tha kabhi!"

koi ek

Itna guroor bhi na karo, ki koi akar chala jaye
Tumhare bartaw ke karan, apna gala dabaye
Yun to lakho dikhte hain, hazaro karte hain pasand
Par koi ek hi aisa hota hai, jo bhar jata hai rang

dil se keh nahi paate

kis kis ko nahi bataya... koi bhi nahi samajh paya hai
jisne humse dil lagaya... kyun humne use thukraya hai
gale to hum bhi laga lete... apne us deewane ko
par kabhi dil se keh nahi paate "janam tum humare ho"

diwani ki kahani

har ajnabi chehre mein uski jhalak dikhayi deti hai
chalti hai deewani jab, to nazar jhukaye rehti hai
dikh jaata hai vo kahin to dhadkan kyun ruk jaati hai
chalte chalte jaise koi dor si khich jaati hai

paani ki lehron mein bhi jannat dikhayi deti hai
chalti hai deewani jab to nazar jhukaye rehti hai
aankhen gar mil jaayen to din poora ho jaata hai
nazarein phir jhuk jaati hain, pagal mann kho jaata hai

barkha ki pehli boonde jab dharti par pad jaati hain
is pagli deewani ko phir yaad usi ki aati hai
nazrein phir jhuk jaati hain, pagal mann kho jaata hai
muskurahat ka lamha phir se wapas aata hai

aasman jhilmilata hai, raat jab bhi aati hai
ye pagli taaro se uska chehra banati hai
raat bhi dhal jaati hai, suraj chadh aata hai
is tarah deewani ka poora din kat jaata hai

aur kuch ho na ho

tum jab mujhse pyari pyari batein karte ho
aankhon mein dekh kar jab aahein bharte ho
halka sa muskurate ho, baalo ko sehlate ho
paas aakar jab bhi mere hotho ko chukar jaate ho

meri saanse mahak jaati hai
hawa mein masti chaati hai
aur kuch ho na ho
meri dhadkan gana gaati hai

jab bhi apne hathon se tum mere haath chu jaate ho
jaanpooch kar apna kandha jab mere se takrate ho
jab bhi meri aankho se ye reshmi baal hataate ho
phir tum apni baahon mein jab mujhko lehrate ho

mera chehra khil jaata hai
masti ka sama chhata hai
aur kuch ho na ho
mera dil gungunata hai

tujhko main bhoolungi kaise?

main kitni bhi koshish karoon, koi madad nahi karta
tujhko main bhoolungi kaise? rab bhi yahi hai kehta
kabhi-kabhi lagta hai jaise, maksad ho gaya ho poora
phir kuch dikh jaata hai aisa, bhavishya lagta hai adhoora

kal ki hi baat le lijiye, hum sabkuch bhula kar baithe the
bahut achhi tabiyat thi apni, mat poochiye hum kaise the
jaane kahan se udte-udte ek chitthi aa gayi saamne
kisi zamane mein likhi thi vo humne naam aapke!

achi khaasi aankhon mein bekaar hi paani aa gaya
khilkhilata chehra mera ekdam se murjha gaya
main kitni bhi koshish karoon, koi madad nahi karta
tujhko main bhoolungi kaise? rab bhi yahi hai kehta

khuda bhi aisa nikla!

Aaj akhiri din tha, aur jaate-jaate bhi dikh gaye tum
Na dikhte to koi gham na hota, phir kyun dikhe tum?
Saare din mein maine, tumhare baare mein bilkul na socha
Antim waqt par, khuda de gaya mujhko dhokha!!

pyar kar rahe hain

mujhe achhe lagne lage, dil ke sachhe lagne lage tum
door se hee, apne se lagne lage tum

tumhare hasne ka andaaz, baat karne ki adaa
kar chuki hai mujhe tumpar fida

nazar mila kar tumhara nazar churana, yun hee bahane banana
bana chuka hai mujhe tumhara deewana

ugte suraj mein tumhara chehra, dubte chaand mein tum ho
zindagi ki raah par chal rahe hain hum, humara saathi tum ho

khayalo mein aa jaate ho yun hee baithe-baithe
saath sajate ho sapne na jaane kaise-kaise

hum yahan muskurate hue tumhara intezaar kar rahe hain
tum par aitbaar karke tum hee se pyaar kar rahe hain

intezaar

duniya mein kitne dukh, kitni nafrate hain
phir bhi logon ke diloin mein pyaar rehta hai
koi kuch samajhne mein kitni hee der lagaye...
aashiqon ke diloin to intezaar rehta hai!!

aapke liye...

hawa jab chalti hai to honth muskurate hain
aap jab dikhte hain to hum sharmate hain
hase ya roye gaane gungunate hain
aapke liye shabdo ko jagate hain!

Ye kaisa rishta hai?

bhulaye bhi nahi jaate, gale se lagaye bhi nahi jaate
ajnabi nahi hain, phir bhi apne kahlaye nahi jaate
vo dost the humare, pyaar ban gaye,
pyaar se phir dosti par aa gaye
jaane humare beech ye kaisa rishta hai,
bandhan judaye bhi nahi jaate, chudaye bhi nahi jaate

bhari aankho ko sukhna sikhaya nahi jaata

jal jaata hai ye dil, to phir bujh pata nahi
tuta hua sheesha, joda bhi jaata nahi
dil mein koi bas jaaye, to koi doosra basaya nahi jaata
bhari aankho ko sukhna sikhaya nahi jaata

log mujhse poochte hain

log mujhse poochte hain, kya mujhe tumse pyaar hai
aise kaise unko keh doon, baat vo, jo raaz hai
tumko bhi ehsaas nahi ye, unko phir kyun pata chale
nazdeek nahi ho tum humare, phir bhi jaise dil mein base

...Ishq

ab kis par ungli uthaun...
kis-kis to doshi thahraun?
dil to kabhi na kabhi tut-na hi tha
kyun us bechare to mulzim thahraun?

humne to zamane ki parvah na ki
usko sab sach bata diya
ab kya karein gar vo nadan hai to
usne aaj-tak ishq hi na kiya

muskarahat ke saath-saath, dard bhi kitna deta hai
ye ishq to saari khushiya chheen leta hai
maano saare zamaane ka, akele isi ne liya hai theka
isiliye to har kisi ne bhavnao ko nikal pheka.

kabhi-kabhi dil karta hai...

kabhi-kabhi dil karta hai...main tumko bhool jaaun
tod doon bandhan...hawaon mein kahin jhool jaaun
hum ek duje ke nahi...sara jahan jaanta hai
to phir kyun tumhare intezaar main apna waqt gavaun

alvida...

Likhne ke liye to bahut kuch hai, bas shabdo ki kami hai
kaafi dino se ro rahi hoon, aankho mein nami hai
aansu ponchu... ya tumhe yaad karoon?
kitne saalo tak anjaan rahoon?

kab tak ye moti bahaungi main...
kab tak intezaar karungi
kisi aur ke saath dil laga leti hoon
phir uss-se hee pyaar karungi

kisi ko bhulane mein kitna waqt lagta hai
aaram se bhool jaaungi tumhe
mujhpar to koi bhi mar sakta hai
tumhari zaroorat hai kise?

Adhoore Hain Hum!

humein to unhi se pyaar ho gaya, jinpar humara koi haq nahi
dil to har roz chot khata hai, iske tutne ka koi waqt nahi
man ne to apne aap hi gava diya khudko, na poocha koi sawal
aansu bahata hai ab ye dekhkar unko, mila jo nahi koi jawab

galti to kisi ki bhi nahi, dil ko kyun gunah-gar maanein
chaha to humne bhi tha unhe, vo hi na dil ki baat jaanein
kahte to hain bhool jaayenge unko, par kya ye mumkin hai
jee to hum kisi ke bhi saath lenge, par hum adhoore un-bin hain